Prem Granth Poem by Shrini Deewana

Jab jab do dil milte hai, pyaar usi ko kehate hai,
Jo ehsaas dil ko tadpaati hai, pyaar usi ko kehate hai,
Jo neendh chain churati hai, pyaar usi ko kehate hai,
Jo laati hai dil mein ek bechaini, pyaar usi ko kehate hai

Aise hi ek din is jag mein, mila ek saajan apne sajni se,
Jaise sajni se saajan ki nain ladi, saajan apna dil kho baitha,
Na samajh saka woh kya thi jaadu, jo uske dil ko paar gayee,
Sajni ki nazrein bas ek teer bankar, saajan ke dil par vaar gayee.

Chup kar saari duniya se saajan sajni se milne laga,
Un dono ke jeevan mein, ab to prem ki bagiya khilne laga,
Dono ke hi dil mein ek darr thi, kya apnayenge unhein ghar wale,
Pyaar mohabbat kya hoti hai, yeh berahmi duniya kyaa jaane.

Pyaar mohabbat aisa ek rishta hai, jo chupaya nahin chupta jag se,
Ek din inki mohabbat ke charche, dono ke ghar mein hone lagi,
Badki jwaala dono ghar mein, milne na diye woh sajni ko saajan se,
Saajan sajni dono tadap the the, ek duje ki ek jhalak ke liye

Phir dono ne yeh thaan liya, ab woh ladenge jung mohabbat ki,
Chahe ladna pade unhein duniya se, par rahenge ab ek duje ke banke,
Sajni ghar se nikal gayee, aur saajan ke ghar aa pahunchi,
Saajan ke sab ghar waale, Sajni ka rasta the rok rahe.

Jab dekha sajan sajni ko, apne hi ghar ke dwaar khadi,
Bas teer sa nikal pada woh bhi, apne sajni ko baahon mein bharne,
Sare ghar waale ek hokar bhi, rok na sake saajan sajni ko,
Saajan lekar apne sajni ko, apne hi ghar se woh nikal pade.

Ghar waalon se yeh dekha na gaya, jeet mohabbat ka hote hue,
Sajan ko apne bas mein laane, woh sajni par waar kiye,
Jaise hi sajni par waaar hui, sajni zameen par gir padi,
Sajni ki saasein thamne lagi, saajan pagal hone laga.

Sajni ko bejaan dekhte hi, saajan ka dil tadap utha.
Saajan bekaabu hokar, apne hi gharwalon par toot pada.
Bas is haatha payee mein, ek waar hua saajan par bhi
Ek waar us par hote hi, saajan bhi zameen par simat gaya.
Jab gir pada saajan neeche, woh kuch aise zameen par gir pada,
Girte hi sajan ke haath, sajni ke gale ka haar bana,
Duniya na samjhi mohabbat ko, aur maar diya saajan sajni ko,
Mar kar bhi mohabbat inki, sada jahan mein jagne lagi.

Jahan chahat thi doli sajane ki, ab jaa rahi thi arthi unki,
Par mar kar bhi saath nahin choota, saajan aur sajni ki,
Dono saath hi chal rahe the ab, is duniya se bahar jaane ke liye,
Chitha bhi dono ki saath jali, aur asthi mein dono mil hi gaye.

Dono ke duniya se jaate hi, unke mohabbat ke charche ab chalne lagi,
saajan sajni ki har ek baatein, ab prem granth kehalane lagi,
Suno suno ai duniya walon, mohabbat ke tum dushman na bano,
Mohabbat ko bas kavita hi rehane do, maar kar mohabbat ko phir Prem Granth ka naam na do.

SHRINI “DEEWANA”