Pagsinta Poem by Duard Cabral

saan hahantong ang aking landas na tinatahak
sinong makapagsasabi kahit langit ay hinamak
irog ng puso'y ikaw lang ang sambit
sampu ng mga bituin aking kinawit
sa pagbigkas nitong mga kataga
animo'y isang sandata
kasama ay dalangin
isinaliw ng hangin
oh irog
oh irog
dinggin ang pagdulog
pagtatangi ang handog
aking puso'y ikaw lang ang irog
babaybayin dagat, ilang at ilog
saklaw ng haring araw aking abot-tanaw
kamtin ang aking inaasam nag-iisang ikaw
balakid 'di alintana dito sa daang nilalandas
pagkat magkadaupang palad; wala ng singwagas


_(july 26 2011)