Marczinkowski's Ghost Poem by jim hogg

Come meet me on the Clanyard cliffs,
On the rock ca'ed sonsieneb
Bring a bamboo cane and rubber eels,
On the flood or on the ebb
I'll meet you some September nicht
Whun the gloamin hugs the coast
And we'll fish for Lide and Blochan there
Wi' Marczinkowski's ghost

We'll view the flamin' sun go down_
Beyond the Ulster Hills
We'll mebbe catch a glimpse o' Hutton
Haulin' up his creels
An' there'll be gannets in the sky,
And a kestrel hoverin' close
Whun we fish for Lide and Blochan there
Wi' Marczinkowski's ghost

So let's gan doon tae Sonsieneb
Tae fish the flood or fish the ebb
Tae catch the Glesson or the Lide
An'watch the turnin' o' the tide

The lichthoose beam at Donaghadee
Will soon be turnin' roon
An' across the shimm'rin' Irish Sea_
The majestic Mourne sweeps doon
The simmer's a' but left us
An' there's very few can boast
That they fished for Lide and Blochan here
Wi' Marczinkowski's ghost

I'll see you some September nicht
When the gloamin hugs the coast
Doon at Sonsieneb on the Clanyard cliffs
Beside oul Henry's ghost

If yer efter Lide and Blochan
And yer share ye'll no get loast
The richt place tae be is Sonsieneb
Beside oul Henry's ghost

So, let's gan doon tae Sonsieneb
Tae fish the flood or fish the ebb
tae sit a while by Henry's side
An' watch the turnin' o' the tide

26 02 09