Ganti Ng Anak: Galit At Poot! Poem by Avery Eglantine

'Hijo de puta ka! '
'Wala kang kwenta! '
Ang bungad pagdating mula sa paaralan
Nag-aral ng mabuti, sinikap umunlad
pag-dating maririnig ay 'putang ina'
paulit-ulit, minu-minuto'y pinapaalala
'inutil ka! h'wag mu ubusin ang aking pasensya
Anak lang kita! pag ako napundi papatayin
kita! '
Ang grado'y di kataasan ngunit 'di mababa
Sa eskwela'y aktibo't nangunguna
pag-dating sa bahay - 'putang ina! '
's'an ka nanggaling', sabay bato ng maling
hinala
Sa ano mang sambitin ay 'di naniniwala
ano mang dahilan ay binabalewala
minsan ako'y napaisip, ako ba'y anak mo talaga?
Ganito ba magmahal ang tunay na ama?

Paulit-ulit na sinasaksak ang damdamin
paulit-ulit na tinatamasa ang sakit
Mistulang hayop at walang buhay kung tratuhin
yaring buhay ay hinagpis lang at pait
Ang mga nakamit ay di man lang pinapansin
ang mga medalya't certifico'y tila wala lang
din
Ano ba talaga ang nais mo? ito'y aking gagawin
Ang walang kwentang buhay ba ay dapat ng
tapusin?
Sa bawat araw na lumipas, nakakintal na sa
isipan
Ako'y walang kwenta, walang silbi't inutil
Sa bawat minutong lumipas, umuusig sa isipan
siya ba o ako na lamang ang sa buhay ay
kikitil?
isang anak, naghahanap ng pag-aaruga
di sa tahanan, sa kandili ng iba
at ngayon ika'y magtataka
kung bakit halos ayaw n'ang umuwi pa?

Ang bawat hambalos ng kung anong mahawakan
Ang bawat bote ng alak na tumama sa katawan
Bawat pananakot at pangaalipusta
Tama na! sobra na! Hindi ko na kaya!

Ang latay sa katawan ay kayang tiisin
pero ang salita'y mas matalas pa sa bubog
Ang mga paghihinala'y kayang di pansinin
pero h'wag magtaka kung anu ang inyong hinubog

Isang halimaw! demonyo! isang diyablo!
kung ano kayo'y ganoon din ako
Kaya pag-lipas ng mga araw ninyo
ang galit ay kakawala at mapapasainyo
Sa pagdating ng araw na ika'y uugod-ugod
ako'y di maawa, umiyak man o lumuhod
Ako'y nabulag na ng galit at paghihiganti
sa galit na itinanim, ngayon kayo ang aani!

II.
Pag galit ang itinanim, siya ring aanihin
Kaya mga magulang, ang anak ay mahalin
sila'y pakaingatan, subukang intindihin
Matutong magpahalaga, kamalia'y tanggapin

Pagkat ang paslit kung sa karahasa'y mamulat
lalo na sa manhid at sa awa'y salat
Ang buhay ay matatapon, masisirang tuluyan
Nakaw ang kamusmusan, wasak ang kinabukasan!