बारसे बिबार; प्रम'द चन्द्र ब्रह्मनो Poem by Bidindra Basumatary
बारसे बिबार; प्रम'द चन्द्र ब्रह्मनो
नोंनि रुबायरोङि आखाइनि सोरजिलु आखुआ
मादि बेसेन गोसा बिदै लाबोदों;
मोनलोंना गोथाव मोन्दों,
लोंबावनोसो गोसो जाबाय थादों।
नुनो मोनाखै मोखथांनि दरखंआव
नोंनि महरखौ,
बावनो मोनाखै आं-
नोंनि गोथै सोलेराव बारसे बिबार गोथार।
दिनैबो गोमायाखै नोंनि मुं
आरो इयुनावबो गोमानाय नङा।
नोंनि बेसेनगोसा जिउमायाव
बावहरबाय आं दिनैसो-
बारसे गोथार बिबार।
नों अलंबार हाथर्खि
बर' अख्रांआव;
नाजावदो नों आंनि बावहरनाय।
This poem has not been translated into any other language yet.
I would like to translate this poem
Delivering Poems Around The World
Poems are the property of their respective owners. All information has been reproduced here for educational and informational purposes to benefit site visitors, and is provided at no charge...
4/26/2024 3:18:00 AM # 1.0.0.1119
