अनजालि Poem by Bidindra Basumatary

हरनि निजोम समाव
नोंनि गोदै फंसे राव
आंनि Inbox आव,
नुनाय लोगो लोगो
थायाखै आं ओरैनो,
Type खालामना Reply हरदों।
नाथाय गैया रमान्सनि राव,
सोंलायदोंल' मोजां गाज्रिनि खौरां।
दान्से उनाव नों बुंहरफिनो
Good Night!
आंबो बुंहरफिनो बेबादिनो
आरो Have You a nice Dream!
उन्दुलांनो हाया जायो
नोंनिफ्राय गिबि मेसेज मोननायाव।
अखाफोर गैयै अख्रांखौ
सानो आं पुरनिमा गावदां
अखाफोरा ज्रोंना सोरां होदों।
नोंनो आंनि अनजालि
सैथो गोर्बोनि सैथो अनजालि।
नाथाय समा होआ
जोंनि गेजेराव सावरायलायनो
बिदै गोनां रमान्सनि रावखौ।