मुंख्लं Poem by Bidindra Basumatary

जोहोलावमोन नोंसोर बर' हारिनि,
बावलुरि बर' बिमानि।
दिनै गोमोरलां नोंसोर,
जिउ ससेनि बुब्लियाव;
सुथुरखौ दबथायनो थांनायाव।
थानांबायदों नों थाखुमा थाखुमा
बबेबा दखरसे दिंखिया जग्रबबाव,
लेवार-बेदलाव, जिबौ, मोसा, मुफुर, लख्रा बायदिनि
सहायनो हायि उदखारावबो।
ओंखाम बोथिसेखौनो नोंसोर
मोनजायामोन गोजोनै दान्दिसे,
खारफानायमोन नोंसोरनि उन-उन
मिलेटारिफोरनि गुलि।
फस'रनांबाय बर'आ दिनै
दुंब्रुद मेगन मोदै।
गोमानाय जिउमा नोंसोरनि
मोनहैथों सोरगोआव मोजां स्तान।
थां थासान्दिनि मावनाय अख्रांसे,
नोंसोरनि मावनाय गोहोआ।