नोँनि मिनिनायनि आन्दोयाव Poem by Bahadur Basumatary

सानफ्रोम्बो लोगोमोनब्लानो
कलेजनि लांगोनायाव
लाइब्रेरियाव
लामा-सामाफ्राव
नोँनि मिनिस्लुनायजोँ
मा फोरमायो सना?
नोँनि फंफ्रोम्बो
रायज्लायनाय बाथ्राफ्राव दं मिनिस्लुनाय
फेसनाव दं मानिबा ईसारा।
मिनि नोँ हाजासे मिनि
आंनि मोखाङाव नायनानै
दिन्थि नोँ बायदि फाव-फेसन
आं मोजांसो मोनगोन
अहाजासे नायगोनसो आं।
नाथाय आं मिथिस'या सना
नोँनि बानगोँनां रावफोरखौ
बुजिया ओँथिगोँनां फाव-फेसन
नोँनि फावदुर खावलायाव नायनानै
बिबारबादि महरखौ नायनानै
आं मिथिगौल
नोँनि मिनिस्लु मिनिनायनि आन्दोयाव दं
अननाय मोँजांमोननाय हास्थायनायनि
फोरमायसहायि माखासे राव
जायखौ नों फोरमायनो हायाखै।