नोँ आंखौ अनबायथा सना Poem by Bahadur Basumatary

जिवाव आं नोँजोँसो बुंजाबाय-
'आं नोँखौ मोजां मोनो,
गोसो थोयो, अनो,
दा नोँनावसो नुबाय
आंखौ अननायनि गोथौ इसारा।
नाथाय.........
बै सिख्लाफ्राथ आंखौ गियोसो
जायफोरखौ आं मोथो मोनगारो
जायफोरजोँ आं सिमां सुजुयो,
ना बिसोरहा अननायनि बिखा गैया?
ना साहससो गैया गोरबोनि राव फोरमायनो?
ना बिसोरो लाजियोसो?
बेफोरो जेखि जादोला रजे
दिनै आं नोँखौ मोनबाय
नोँनि थार अननाय मोजांमोननायखौ
जायखौ आं सान हर नागिरो
जायया आंखौ सुखुयै लाखियो
बेबादिनो नोँ आंखौ अनबायथा सना।