बैसागुयाव फै सना Poem by Bahadur Basumatary

बैसागुयाव फै सना
गोदान बोसोरनि,
आंजोँ खनसे रंजाफानो
आंजोँ खनसे मोसाफानो।
फै सना थांनाय बोसोरनि
दुखु-दाहा हांमा-हांसाखौ बावगारनानै
गोदान बोसोरनि गोदान गोसोनि
अनलायनायनि दौलेँखौ
आरोबाव गोरा खालामसिनबावनि।
आं मिथिगौ सना
नोंनि समायना मनालिसानि महरा
फैगौ गोदान बोसोरनि
समायना-रमायना सोमखोर मिथिँगानि महरजोँ
आरोबाव नोँनि महरा
गोदान दखना आरो फास्रानि
रं-बेरंनि आगरजोँ समायफ्लेसिनगोन।
आरोबाव आंनि अननाया नोँखौ
मिनिखैरो मिनिहोगोन,
आरो नोँ जेब्ला आंनि गोरबो बिखाजोँ रायज्लायफैगोन
आंनि गोसोयाबो सोरगोनि गोजोननायखौ मोनगोन।
फै सना,
गोदान बोसोरनि आंजोँ फै
बैसागुयाव आंजोँ फै।