महरनि रानि Poem by Bahadur Basumatary

अ' आंनि अनजालि!
नोँहा जोबोर समायना।
आं सानफ्रोमबो नायबायथायो,
सिमां आरो मोखथाङाव
नोंनि ददेरे लायमोन महरखौ।
समायना रमायना गोमो गोथांनि
दखना गाननाय,
जोँब्लाव माब्लाव गहेनानि मोदानफबनाय,
साथ दानदालि खानाय रुंबां
साननोहायै बेसेबा समायना नोँ अनजालि।
नोँनि समायना महर मुस्रिखौ
दिनैनि उदां बोथोरनि मिथिँगा बिखायाव
बेरखांनाय सोमखोर समायना महराबो रुजुजाया।
आय' अनजालि सना!
आं नोँनि महराव आनदायबाय
नोँनोदि महरनि रानि लायमोन बर' सिख्ला।