नोँ दागाबसै आयै Poem by Bahadur Basumatary

नोँ दागाबसै आयै

जोनोमनिफ्राय खांबोबाय जाहोबोबाय
फेदेरबाय आरो बे थासारियाव लाबोबाय।
नोँ दागाबसै आयै, नोँ दागाबसै
बे मुगाजोँ जुजिनायाव
बे मुगाजोँ खारफानायाव
गोसो जिव होसोमनानै
आं नाजागोन आयै, आं नाजागोन।
आरोबाव नोँ गाबनो गोँनां गैला
खालि नोँ हाजासे बोरल, होदो
आंनि जिव लामानि जेँसि-जेँला
गासैबो लांदां जालांथोँ
थांखियाव गोरलैयै सहैनो हाथोँ।
नोँनि लुबैनाय गोसोखौ
नोँनि बोर सारस्रिनायखौ
गोरबो गोसोजोँ गोबाथुमनानै
बे गोदान मुगानि खान्थिजोँ
बे गोदान मुगानि नुथायफोरजोँ
आंबो दावगालांफागोन आयै
आंबो थांखियाव सहैनो नाजागोन।
आरो नोँ दागाबसै आयै,
नोँ दागाबसै।

Monday, July 28, 2014
Topic(s) of this poem: mother
POET'S NOTES ABOUT THE POEM
टापा
COMMENTS OF THE POEM
READ THIS POEM IN OTHER LANGUAGES
Bahadur Basumatary

Bahadur Basumatary

India(Assam) , Chirang(Tukrajhar)
Close
Error Success