गोदान बेमार Poem by Bahadur Basumatary

मेसेँङा थांखांनायनि उनाव
सोनाबारि मौसुमिया आंनि दुब्लिजोँ बारबोयो।
आं मिजिँ खालामदोँमोन
गोदान बोथोरनि गोदान बारजोँ
आंनि सोलेरा गोजोनग्लायगोन,
हांमा-हांसाफ्रा सुस्रांजागोन।
नाथाय बे बारादि गोजोननि नङा,
आंनि गोसोयाव खुसि लाबोनायनि सोलाय
बेयोदि आंनि सोलेरनि
रोखोमसे बेरामनिसो इसारा होबाय।
आंनि जिउमाखौ गुरलुब गुरलुबसो सोमावग्लुंबाय।
फैफानाय दायनि एमफौफ्रा
आंनि देहा सोलेरखौसो फारियै
अरख्ला अरख्ला जालांनो लामालाबाय।
जेसेबां हागौ एसेबां आथिँ बारायगालांदोँ
रायख'सि दायनास'र जुनारफोरबादि।