आं बावनो हाया Poem by Bahadur Basumatary

मेगना गोजान जायोब्ला गोसोयाबो गोजान जायो होननायबादि
इउनिभारसिटियाव फरायफैनायनिफ्राय आं नोँखौ गोसोखांयैया गोबावथारसै।
नाथाय आं दिनै गोसोखांदोँ
नोँनि समायना गलापि महर
अनथाव बाथाव हारिमु सिबिसुलि आखुवा
आंनि गोसोखौ बोगथाबहरदोँ
आरो सिँनि गोदै जारिमिनखौ आं माबोरै बावनो
बावनो सानब्लाबो हाखानाय नङा,
जेराव नोँनोँ आंनि गिबि मोजांमोननाय सिख्ला।
बै समाव जेब्ला मेगनजोँ मेगनमोन
बेँटल कलेजाव ज'-ज' फरायज्लायदोँमोन
लांगोनायाव दरखंयाव लाजिगुसुयै मिनिस्लुलायनाय
गोदै खोथा बाथ्रा रायज्लायनाय
आय' बेसेदि समायना अनसुलि महरनिमोन नोँ
'लखि-सिता-साबेत्रि-बेवला'
नायब्लाबो नायनो अहाया
बावनो सानब्लाबो बावनो हाया।