Anele TheAfrikanSon kaMthethungqongqo Potelwa

Rookie - 0 Points (1992 March 03 / South Africa (eDutywa, Mfenguland, staying in Cape Town))

Vuma Ntombi! - Poem by Anele TheAfrikanSon kaMthethungqongqo Potelwa

ndiguqe ngawonk'amadolo
iinyembezi zindiphandl'okothuthu
ingqond'indibuza umbuzo
ndiswel'impendulo koko ndiwuphosa kuwe
lenzeni na eli gwece lindim?

ewe ityala ndilivumile
kwaye nesono ndisivumile
akukho sigwebo, ngeba naso ndisamkele
onk'ebendinawo ndiwathethile,

ndiguq'apha ngalomzuzu
ndilind'impendulo kuwe
ndikulind'uvul'intliziyo undamkele kwakhona
kub'ixesha linomona
hleze lindisuse phambi kwamehl'akho

ntomb'uthando lunxano,
isidodo yintseng'evova
vul'uvakalelwe mkhith'okhethwe ndim,
kub'izingqala ziyandinxwala
namakrwal'ayindihleka
kowu le ntliziyo iyaqhwalela

yini na ntliziyo ukuqhwalela
kub'elakho inxeba likhangeleka litshayela,
phofu ke mnikazi wentlungu
umlawuli wenyembezi nguwe ntombi,

akhal'amagogogo
icununu licel'ukutya kwalo
qhaph'umqhel'utyeketyeke
ndaziva ndisomelela
eyam induku ingenguwo umsimelelo

ndenzwa kukuzotha kwent'endiyibonayo
cwak'amehlo wam kwanqab'intshukumo,
umbhodamo wobuhle bubonwa ngamashiya,
oku kweso sitya esifumaneka kwilizwe lamaNdiya

Zadungen'ongene okomceli mngeni
aph'ekuseni ziduden'iingcinga
zaqul'ingcamango ngawe,
lavum'ithongo latol'igqongo
wabe ke wena inguwe phakathi kwabanye

mhla mnene aphandlwa amalozelo wam
saguzu lityhil'ikhasi
igazi lakho lelomtsalane
nditsho son'isitshingitshane sokukhazimla

wena uyiyo inkosazana
ndiyakungqina nam ntomb'entsundu engemhlotshazana
uthando lwam lolwakho!
olwakho nalo kanti lolwam!
camagu guzu! camagu ntombi!


Comments about Vuma Ntombi! by Anele TheAfrikanSon kaMthethungqongqo Potelwa

  • Rookie - 25 Points Phiwe Mbatha (9/15/2013 6:22:00 PM)

    Imnandi inkondlo yakho baba (Report) Reply

    0 person liked.
    0 person did not like.
  • Rookie Zandile Zoya (8/19/2013 4:34:00 AM)

    hay ndiya Vuma mfana :) lol... sihle sibhala sakho bhuti, ngentliziyo engenesikrokro ndiyancoma. (Report) Reply

  • Rookie - 288 Points Siyabonga A Nxumalo (8/14/2013 2:56:00 PM)

    Amahle amzwi ensizwa izicelela uthando entombini, izigwadi ziyofanele zifunde kulomzamo wakho. Uma lentokazi ingabona lombhalo, ingaqoma lingaphakami nelanga.
    Siya_! ! (Report) Reply

Read all 3 comments »



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Wednesday, August 14, 2013

Poem Edited: Thursday, August 15, 2013


[Hata Bildir]