Ukhona Ozayo Poem by cebolenkosi kubheka

ukhona ozayo, eqinisweni usefikile
zithandwa zami phendukani
shintshani ukwenza kwenu
ukuphela kwesinakho sekusondele
uma ningaphenduki namhlanje
ingani yena uzongithatha
nisale nibhukusha esizibeni sezinyembezi
mina nginani namhlanje
esinakho kungumdlalo nje
kodwa yena ozayo
uzochitha lokho
ingani mina naye siyohlukaniswa ukufa

ukhona ozayo, eqinisweni usefikile
zithandwa zami phendukani
shintshani ukwenza kwenu
ukuphela kwesinakho sekusondele
vulani izinhliziyo zenu
uma nikholwa ezinhliziyweni zenu
futhi nivuma ukthi yena usengithathile
ngeke nibhubhe kepha
niyoba nokuphila okuphakade

ukhona ozayo, eqinisweni usefikile
zithandwa zami phendukani
shintshani ukwenza kwenu
ukuphela kwesinakho sekusondele
leli izwi lomemezayo enhliziyweni yami
ethi 'susa bonke onabo
vula inhliziyo yakho
ingani onothando lweqiniso
usesondele'