PRAAT BRING VREDE
Medeklinkers en vokale
saam maak dit ‘n sin
Ons moet kan praat en luister
maar altyd eers besin
Praat is so belangrik
ons moet dit tog besef
vol liefde en vol teerheid
nooit ons stem verhef
Woorde kan soms ongenooid
jou dieptes binnedring
Kras en ongevraagd
hartseer by jou bring
Waak teen praat van ander
sonder dat hul weet
Dit kan soms pynvol aanhou
en altyd net bly vreet
Kom dat ons weer praat
soos dit altyd was
Ons help daardeur vir ander
met hul sware las
Sonder woorde raak dit stil
mag dit tog nie so raak
Soms wil ons niks meer sê
uit vrees om gal te braak
Maar met ons God kan ons gesels
Hy sal net aanhou luister
in woede en ook hartseer
en soms ook net stil fluister
2004-10-25
Sylvia
This poem has not been translated into any other language yet.
I would like to translate this poem