Ngazalelwa KwaZulu
Ngizalwa yinzalo KaZulu
Ngancela ulimi lwesi Zulu
Ngabafica bekhuluma isiZulu
Ngabathola beqhuba isiko laKwaZulu
Ngingekulibale ukunotha komhlaba waKwaZulu
Okuvuselela isithunzi somuntu onsundu
Inkaba yami ngayishiya KwaNongoma
Imfundo ephakeme ngayiqhwanda eNyuvesi yaKwaZulu
eDlangezwa,
Ngasina ngaqeqebula ezihlabathini zolwandle eThekwini
ngigqoke isidwaba sakithi KwaZulu
Bheka manje sengikhulile sengiyintombi
Khona la KwaZulu
Ngihlangane nensizwa ikhuluma IsiZulu,
Ithi ingumZulu, isibongo nguZulu
Ngish' umntwana uNdabezitha, isithuli sikaNdaba, uMageba
Ngingekulibale ukunotha komhlaba waKwaZulu
okuvuselela isithunzi somuntu onsundu ngingumZulu.
ubuhle besintu sakithi noma sesishazwa nje yilaba asebezenza amazemtiti, soze sagqwala.ukubeka kucace bha kulolulozolo lwenkondlo yakho ukuzigqaja kwakho ngobuZulu bakho, engathi emhlabathini wakwaZulu kungaqhuma abanye abanjengawe, bafuze wena. Siya
Wangikhumbuza ekhaya eNquthu, imnandi inkondlo yakho. Ngiyithokozele kakhulu.
uKhulima iqiniso masi hlonipheni amasiko wethu futhi! Ngiyabonga
This poem has not been translated into any other language yet.
I would like to translate this poem
Luhle ubhalo lwakho ntombi yaseMdletsheni, lushaya ngesigqi sakwaZulu, kuyasho ukuthi ungimzulu.....