Miley Gi Meri Bhi Koi Nishani Cheezon Mein Poem by Farzana akhtar

Miley gi meri bhi koi nishani cheezon mein
Paree hui hon kahein mein purani cheezon mein

Mere wujood se qaim hain baam-o-der mere
Simmat rahi hai meri laa-makani cheezon mein

Bahisht se hi mein aayi zameen per lekin
Shumaar mera nahein aasmani cheezon mein

Ye jaantey huey koi wafa-shanaas nahein
Baser hui hai meri zindagaani cheezon mein

Phir aaya bhoola hua khwab raat naina mein
Likhi hui thi puraani kahani cheezon mein