Mere Khayaal Ke Bar-Aks Wo Bhi Kaisa Hai Poem by Farzana akhtar

Mere Khayaal ke bar-aks wo bhi kaisa hai
Mein chaon chaon si larrki wo dhoop jaisa hai

Hai titliyoon ke paroon per likha hua chehra
Dareecha khol ke dekha tau rang aisa hai

Tumhein gulab ke khilne ki kya sadaa aati
Tumharey gird tau her soo khanakta paisa hai

Hazaar shor mein rehne ke baa-wajood uska
Ye teiz dhaar sa lehjaa khanaktee leiy sa hai

Mein apne dil ki gawahi ko kaise jhutlaon
Jo keh raha hai mera dil wo bilkul aisa hai