God My Vriend Poem by Sylvia Prinsloo

GOD MY VRIEND

Soveel maande soveel jare
kan ek nie net weg wil gooi
Sonder U is ek verlore
my lewe slegs ‘n kreukel, plooi

U is my standbeeld vasgeanker
gee my liefde, soveel hoop
Saam met U wil ek oud word
en die lewenspad nou loop

In my oë dans duisend sterre
soms is ek net soos ‘n kind
Uit U put ek krag en kennis
passie wat ek rats verslind

Ek weet U wil my liefde gee
goeie dinge met my deel
U weet dat ek U kragtig liefhet
my hart het U lankal “gesteel”
2004 Sylvia