Bachpan Poem by NEHA UPADHYAY

Kitna madhur kitna pyara hota hai bachpan,
Har bandhan se door hota hai bachpan,
Bhedbhao karna janta nahi bachpan,
Pyar ke siva kuch mangta nahi bachpan,
Geli mitti sa komal hota hai bachpan,
Sikhai gayi har baat sanjota hai bachpan,
Apna paraya pehcanta nahi bachpan,
Khud ko sabka sabko apna manta yehi bachpan,
Maa ki dant se siskiyun bhara hai yeh bachpan,
Pita ke pyar ki thapkiyun se saja hai yeh bachpan,
Swachand hai apne doston ko chunne ko yeh bachpan,
Aazad hai asman me udne ko yeh bachpan,
Aaj akele me baithoon toh yaad ata hai voh bachpan,
Meri masumiyat fir se lautata hai voh bachpan,
Kash sada bana rehta yeh nanha bachpan,
Ab bas yadoon me hai voh pyara bachpan.