Aasha Ki Lau Jo Jal Rahi Hai 'Chemistry Teacher' Se Pareshan Students Ke Maan Main Poem by NEHA UPADHYAY

Asha ki lau ab bhi jal rahi hai,
is pal nahi toh agle pal aap jaoge.

Hamari aankhen dekho nam ho rahi hai,
akhir kitni der aur pakaoge,
kabhi na kabhi toh kisi sawal main ulajhkar,
chup chap khade ho kar apna sir khujaoge.
Asha ki lau ab bhi jal rahi hai,
is pal nahi toh agle pal aap jaoge.

Baki ghar jake solve karna yeh amrit saman shabd,
kabhi na kabhi toh apne mukh se nikaloge.
Asha ki lau ab bhi jal rahi hai,
is pal nahi toh agle pal aap jaoge.

Sonali so gayi, SHrishti so gayi,
so gaye Divya or Megha,
Bhagwan jane aur kitno ko aap sulaoge.
Asha ki lau ab bhi jal rahi hai,
is pal nahi toh agle pal aap jaoge.

Meri kavita toh lo khatam honewaali hai,
pata nahi aap kab tak padhaoge.