Adat E Mohabbat Poem by Saira Hafeez

Mohabbat main aik waqt aesa bhi ata hai. Jab wo apni inteha ko pohanch jati hai,
wo paglo ki tarhan apna thikana talash karti hai, kabhi chero main kabhi rishton main to kabhi ilfaz main.
Wo bas ahb takmeel chati hai.
Yehi wo waqt hai hai jab jazbat arooj pe pohanch jate hai jese koi nashay ka aadi ho jaye.
bechaini, beqarari aur izterab us sakhsh ka mahmool ban jati hai.
Wo paglo ki tarhan apne mehboob ko dundna chata hai apni zaat ka wo hissa jo us ne sab se bacha ke rakha hai jo usne sab se chupa ke rakha hai.
Wo ussey dekhana sunan batana chata hai.

Magar jab is beqrari ko is bechaini is mast o muztarib toofan ko manzil nahi milti.

Yeh mitti ke ghrondon ke jese, yeh barf ki pahari ki jesse,
haqeeqat ki tapash se ahsta ahsta pigalnay lagti hai.
Yeh phir kabhi apna arooj hasil nai kar pati ye marti nai phir bhi,
kisi mizar pe jalne wale diye ki manind ye jalti rheti.
Dil ke kisi kohne main roshani ki tarhan ye jhilmilati rheti hai.

Magar yeh khud nai marti.
Magar zinda bhi nai rahti.
Magar ye mar deti hai.

Jo phir se samne aye ye dafan ik lash ke jese roz e mehshar main dubara uthne ke liye taiyar rheti hai.

Magar tum kitni pagal ho bhot nadan ho saheli.
Kiun ye to mohabbat hai.
Yeh iski purani adat hai.
Yeh khud nai marti.
Magar yeh mar deti hai.
Magar yeh mar deti hai.

Saira Hafeez