फोथायसुलानि मोन्दांथि Poem by Bahadur Basumatary
फोथायसुलानि मोन्दांथि
मोजांमोनदोँ गोसोथोदोँ
फोथायदोँमोन नोँ सैथो
नोँ थगायनाय नङा।
नाथाय बोरोथो नोँनि समाय
बै बिबार बागाननि
दानो जाबाय अन्थाय
नोँनि बिखा?
मानोथो जावले लेँहरोमोन
बै समफ्राव आंखौ लोगोहमनो
आंजोँ रायज्लायनो?
नोँजोँ सम हगारनानै
दिनै आंनि सनानि खहा
नोँ रायखसि महरै
आंखौ सिमांजोँल गेलेहोदोँ
देहा मोदोम गोसो गासैखौबो
अरख्लाबलांदोँसोमोन।
दिनै आं मोन्दांबाय
नोँनि गोसो सोलेर.....,
बेनि फाबाव नोँ जेननांगोन
नोँ जेनथारगोन थगायसुलि।
This poem has not been translated into any other language yet.
I would like to translate this poem
Delivering Poems Around The World
Poems are the property of their respective owners. All information has been reproduced here for educational and informational purposes to benefit site visitors, and is provided at no charge...
4/26/2024 4:03:53 PM # 1.0.0.1119
