आंनि सैनाया सानसे आंखौ हांख्रायहरदोंमोन
बिनि खाउलायनायखौ लाखिनो नुजाहैदोंमोन आं
गोसोनि जौसिन गोजोननाय लाना
खुगायाव मिनिस्लु मिनिनानै
दाफबनाय रोजा बर'फनि थोरफो गाखाव-गाखाव
फ्रि फ्रि थायफ्रिनाय अखाबादि खुवाखौ सौसिनानै
सिमाङावनो सिमांबादि मोनदोंमोन
हरनि निजोम समाव सोरगोनिफ्राय गोग्लैदोंमोन
गोथार दैबादि गुफुर सेवालि बिबार
हान्थिदोंमोन बियो आखायजों-आखाय हमलायना
सिनायमोनि सोरबा सासेजों जोबोद खुसियै
मुखुब थां-फै सुबुंनि गेजेराव
नोजोरनि गोहोआ गोमाहैदोंमोन
गोसोआ बाब्राब-बाब्राब दाख्रायदोंमोन बिनि खाथिसिम थांनो
आंनि स्तेट'स्कपजों हमदांमोनाखैमोन बिनि गोसोआरि बेराम
अनसुलि बिमानि अननाइ आखायजों गोसोखौ बुरखायदोंमोन
बिनिफ्राय उलथायै जानगारदोंमोन गोजाननिफ्राय गोजानसिम
हार्टबिथनि गोख्रैथि बांनायाव
लासै-लासै मेगन बिलाइया गेवलांदोंमोन
जोबोद मेंहाबनायजों सौफैफिनदोंमोन
जेब्लाबो सिनायखानाय मुलुगाव
This poem has not been translated into any other language yet.
I would like to translate this poem