Ye wha are fain to hae your name
Wrote in the bonny book of fame,
Let merit nae pretension claim
To laurel'd wreath,
But hap ye weel, baith back and wame,
In gude Braid Claith.
He that some ells o' this may fa,
An' slae-black hat on pow like snaw,
Bids bauld to bear the gree awa',
Wi' a' this graith,
Whan bienly clad wi' shell fu' braw
O' gude Braid Claith.
Waesuck for him wha has na fek o't!
For he's a gowk they're sure to geck at,
A chiel that ne'er will be respekit