Unknown Writer But Memorable Words. Poem by Dr Bharti Tiwari

Yahan har shaksh har pal hadsa hone se darta hai,
Khilouna hai jo mitti ka fana hone se darta hai.

Mere dil k kisi kone mai ek masoom sa bachchha,
Badon ki dekh kar duniya bada hone se darta hai.

Bahut mushkil nahi hai aaine k samne jana,
Hamara dil magar fir bhi samna hone se darta hai.

Na bas mai zindagi iske, na kabu mout par iska,
Magar insaan fir bhi kab, khuda hone se darta hai.

Azab ye jindagi ki kaid hai, ki duniya ka har insaan,
Rihai mangta hai par, riha hone se darta hai.