Unhe Waqt Nahi (Hindi) Poem by Anish Chouhan

Unhe Waqt Nahi (Hindi)



Betahan khushi hai logon ke daman mein,
Par ek hansi ke liye unhe waqt nahi.
Din raat daudti vo nanhi jaan duniya mein,
Zindagi ke liye hi unhe waqt nahi.

Maa ki Lori ka ehsaas to hai,
Par maa ko maa samajhne ka unhe waqt nahi.
Saare rishton ko to hum maar he chuke,
Ab unhe dafnane ka bhi unhe waqt nahi.

Saare naam kahin dil mein base hain,
Par unse kiye waadon ke liye unhe waqt nahi.
Gairon ki kya baat karen,
Jab apno ke liye hi unhe waqt nahi.

Aankhon me hai neend ka manjar sajaa,
Par do pal sone ka unhe waqt nahi.
Dil hai gamon se sitam se bhara,
Par rone ka bhi unhe waqt nahi.

Paison ki daud me aise daude bhare,
Ki thakne ka bhi unhe waqt nahi.
Paraye ehsason ki kya kadar karein,
Jab apne sapno ke liye hi unhe waqt nahi.

Tu hi bata Ae zindagi,
Iss zindagi ka kya hoga,
Ki har pal marne walon ko,
Jeene ke liye bhi unhe waqt nahi...

COMMENTS OF THE POEM
READ THIS POEM IN OTHER LANGUAGES
Close
Error Success