Tuyot Na Dahon Poem by Alnaver Baltazar

Bakit ba kailangang
malanta ang dahon?

Maari naman sya’ng
manatili sa sanga
upang manatiling buhay?

Bakit siya inagaw ng hangin
at tinangay ng walang pagkupkop
na hinabilin sa lupa?

Dito ba?

Dito na ba ang hantungan
ng kung anong dati’y luntian,
Nagyo’y wala ng silbi
kundi maging pataba?

Ngunit…

Minsan tayo’y bulag sa katotohanan,
Na tanging ang puso lamang
ang kasagutan.

Bakit nga ba
kailangan ng ganitong bagay?
Bakit kailangang magmahal at
masaktan?

Bakit ba?

Bakit nga ba?

…marahil upang manatili tayong buhay

Source:
http: //lovelifepoems.wordpress.com/2011/08/04/tuyot-na-dahon/