Tumangadak Kenka O Apo(Ilocano Dilect) Poem by MELVIN BANGGOLLAY

TUMANGADAK KENKA APO
Melvin Banggollay

Chorus:

Tumangadak kenka O Dios Apo
A sipapakumbaba't nakem ko
Nga agpakpaka-asi ta saklang mo
Ta Itdem kadi ta bendisyon mo.

I. Pudno unay a managbasulak
Ta addu't banag a naglabsingak
Maibusor ta pagayatam kaniak
Isu't gapu na apo pakawanendak.

II. Pudno unay awan maaramidak
Uray aniat laing ken kired nga ikutak
No dim kaniak impaduyakyak
Ti salaknib ken sirib a kasapulak.

III. No man pay addu't saem a nariknak
Panagrigat ditoy abroad pagtrabahuwak
Dagitoy amin ket pudno a nabaelak
Gapu ta kaasim ken ayat mo kaniak.

IV. No man adda libay nga umay kaniak
Ta sasaom nangpatibker kaniak
Ta pudno sika't silaw toy kararuwak
ken nangugas kinarugit ti nakaparaswaak.

V. Oh Dios Ama nga pagdaydayawak
Iti amin nga puso, nakem ken riknak
Yaman ko iti amin a parabor mo kaniak
Ken iti amin nga kameng iti pamilyak