Tumangadak An Sika O Apo (Maducayan Dialect) Poem by MELVIN BANGGOLLAY

TUMANGADAK AN SIKA APO
Melvin Banggollay

Tumangadak an sika O Apo
Ey sipapakumbaba sey guom ko
Ey mampakpakaasi ansika Apo
Ta itjum atyen se bindisyon no.

I. Tut-uwa pige ey managbasurak
Te amud lawing ey kingkingwak
Maivusor assey piom ey makwak
Siya ey Kavunian, pakawanunak

II. Tut-uwa ippon pige makwak
Urey no nari-ing ya maarmutak
No ajim pige an sakon intuyak
mambaro gasat ey kasapurak.

III. No annat ey lawing ey nalluwaak
Liget sey vieg ko ey nanjiyatak
Anna ka pey ey nangkamangak
Ta amin da naoy ya natakjugak.

IV. No annat ey apporo mapuyuwak
As dahe sakit sey lung-ag ey nailak
Sey gi-ngam silow ey nammutwaak
Ey inunud ko at anna naagasanak.

V. Kavunian ey mangil-ila annat ad ngato
Amud yaman ko asse amin ey intud no
Ey bindiyon an jikani amine ey tago
Ya saraknib no asse anna ey vieg ko.