aaj kirnon ny jo her samt say ghayra hy mujhy
us nay bhar poor nazar say abhi daykha hy mujhy
main kabhi aankh macholi bhi nahin jeet saka
dhoondnay walay nay her baar hi dhoonda hy mujhy
taa rahay ashk bahanay ki riwayat zinda
teray hotay huay marnay ki tamanna hay mujhy
ho k taqseem bhi saara teri jholi main gira
too nay kuch itnay saleeqay sy jo maanga hy mujhay
kon hay mayri tara raah say bhatka raahi
dasht main aaj razi kis nay pukaara hy mujhay
razi ud din razi
This poem has not been translated into any other language yet.
I would like to translate this poem