Sa May Dagat Poem by Marites C. Cayetano

Mga halakhak
kaunting bangayan
maya't-maya'y luha
muli'y, mga halakhak...

Sa may dagat
naruon ang mga alaala ng pamilyang
patuloy na nagbabago
mga bata'y lumalaki
ama't-inang puti ng buhok
ay dumarami.

Ang dagat
sa tuwina'y saksi
ng pagmamahalan at pag-aalitan
ng pamilyang malapit
minsa'y malayo
at sa kanilang mga puso
ay kanya-kanyang tuwa
at kanya-kanyang pighati.

Sa may dagat
hangin doon ay kaysarap langhapin.

Sa may dagat...
aah, kung takbo ng buhay
ay hawak ko lang.