Ngwana'mopedi matutu ke nkga diema
mekgatho ke antše kgatswetši ya dithai
ke ngwana'bo dika dikgabišapolelo
kgaetšedi ya dikapolelo matšoba a semmaešu
polelo ye mpeng ya mma ke kgobokeditše
letsweleng ya ba go patiša poo ka lefagolo
modung wa leleme ke runyarunya košana tša matšema.
magalagapeng a mosego ke thebatheba
sona sona sa magoši a kgale
Polelo ke boifa maleme a šele a nkgaroša matswalo,
Sepedi nna ka tshwa bohloko bja mokopa wa thaba
ke ngwana'bo tšhilo le lwala sekgopela bogolo diputsweng
seikgantšha ka Sepedi polelo ya kgeswa la rare.
This poem has not been translated into any other language yet.
I would like to translate this poem