Oh Ina,
Ako'y magpapasalamat
Sa pagkain na iyong ibinigay,
Sa bahay na iyong ipinondar,
Sa edukasyong hindi mo pinagkait
At sa buhay na iyong binigay.
Ngunit ako'y hindi magpapasalamat
Sa pag-aalala niyo sa akin,
Sa pag-aruga sa akin,
Sa pagsuporta sa akin
O sa pagpapadama ng iyong walang hanggang pagmamahal,
Dahil Ina, hindi mo ito naibigay.
Bilang iyong supling,
Maraming salamat sa lahat,
Bilang iyong anak,
Hindi pa iyon sapat.
Oh Ina,
Binigay mo ang sapat nang aking pangangailangan,
Ngunit hindi ang tunay kong kailangan,
Ang iyong pagmamahal.