Ndibonga Abazali Poem by Anele Potelwa (Unpublished)

Ndaphuma ekhaya,
Ndaval'ucango ndilugcwabevu,
Ndandinga ndingobuyayo kungekudala,
Ngelam Ndandivala Ucango,
Kodwa ndigqumelela iingcambu zam zembewu,

Kuyo indlela endandiyihamba,
Ndadal'ubuhlobo namaqothaqikili,
Lwancethez'uncumo koogqogq'eqhuqha,
Gxebe! Abazingeli bengqondo,

xeshikweni ndishiya abazali bothando,
ndilandel'iinzalo zobhanxo ngentando,
Nangona ndakhalinyelwa ndinqandwa,
zizithandwa ezazindikhonzile,
Yona le indim, yadud'ibuyelela igoloza,
akwaba ngendazile,

Zaheshw'izazela kum lulonwabo,
Laqaqamb'igazi lenkohlakalo,
Yagqam'impela mbeko ngophanyazo,
Ndivum'ingoma yezithuko kumanyange,
Ndimlisela wentliziyo,
Ndimthinjana Wengqondo,
Kodwa kungekho mehluko,

Kwath'ukushukuma kwamantlontlo,
Avulek'amehlo,
Zavuthamelan'iindlathi,
Ndakube Ngelo lixa ndikhumbula ikhaya,
Ephelile amaphupha, ziqalile iinyembezi,

Ndihleli apha namhla,
kungenxa yendlela endayikhethayo,
Ndichachatheka kwezi ngqele zangokuhlwa,
Kungenxa yempahla endakhetha ukuzinxiba,
Ndikhumbule Tata
Ndikhumbule Mama!
Niphi xa kunje!