Lifile Elika Mageba Poem by THOKOZANI MAGAGULA

Hawu lifile elika Mageba,
Hawu lifile elika Mageba,
Ngithi angilobe nansi incwandi,
Ngithi angithule nanti uvo lwami,
Ngiphathe kabi ngidumele ngimangele,
Umuntu osoyoze aphenduke isizwane.

Hawu lifile elika Mageba
Hawu lifile elika Mageba,
Emadolobheni awukwazi nokulayela umuntu,
Umdati omude wezinamba zezindlu nezimngwanqo,
Phela ngakithi ngakithi umlayela ngezintaba nangemifula, ngemifundlanya nangamagquma,
Angeke ungalitholi uthukela!
Angeka ungakhoni ukukhwela umkhuze!
Angeke ungapholi ophongolo!

Hawu lifile elika Mageba
Hawu lifile elika Mageba
Uyishela kanjani intombi umangawudlali uwathaphu?
Phela izintombi zalana aziyi emfuleni,
Aziyi emahlathini,
Uma ungayibonanga iya eskoleni
Noma ephathini,
Uzoyithola ekhoneno izidlela ikantini.

Hawu lifile elika Mageba
Hawu lifile elika Mageba
Akusekho zinsizwa Lana!
Akusekho mabutho Lana!
Abafana bakhona bazidlela iwunga, besho NGO skrr skrr nezingegedlane ngathi inyoni iphothwe,
Ngangakhohlwa ama skinny jeans,
Abadlaleli lakimi bayazi ngiyalishaya ikhanda Ku tsotsi wama skinny jeans Mina! ,
Ngalusa phela Mina! ! !

Hawu lifile elika Mageba
Hawu lifile elika Mageba
Izintombi zakhona zizisinda ubuso! !
Wena owabona kusindwa indlu yakwa-gogo ngobulongwe! !
Ngiyalibeka ziyalibeka! !
Akuhlatshwa emadolobheni,
Kudliwa yona lenyama ehlatshwe izizwane!
Pho sothini, basingayindli solabha
Akukhali qhude Lana kazi ngizovula kanjani ekuseni
Lifile elika Mageba! !