ଜୀବନ - ସପନ Life - Dreams Poem by Gajanan Mishra

ସତରେ ଝଡୁଛି ସବୁ ପତର
ଗଜାନନ ମିଶ୍ର

ସତରେ ଝଡୁଛି ସବୁ ପତର,
ସତରେ ସତରେ ଯାଉଛି ବି
କଅଁଳି ରାତିରେ ଦିନରେ!

ସିରି ସିରି ପବନ ଓଦା ଓଦା
ଗତ୍ୟନ୍ତର ନାଇଁ ବଂଚିବା ଛଡା।
ଚାଲିଛିରେ ଭାଇ କ୍ରିୟା ପ୍ରତିକ୍ରିୟା
ଚାଲିଛି ମାପଚୁପ ଇଚ୍ଛାଅନିଚ୍ଛା!

ପ୍ରବଳ ଭଲ ପାଇବା ଭିତରେ
ମହଜୁଦ, ଆଉ ଆଉ ସୁନ୍ଦରେଇ
ଯାଉଛି ଜୀବନ ଡାଳରେ ଡାଳରେ।

ଆରେ ହେ ଜୀବନ, ଉଡ ଉଡ
ବୁଡ ବୁଡ, ଉଡି ଉଡି ବୁଡି ବୁଡି
ଛୁଇଁ ଛୁଇଁ ଯା ଶିରାରୁ ଶିରା ଆଉ
ଦେଖେଇ ଯା ମାଘର ପାଗରେ ବଂଚିବା!

ତପୋବନ, ଟିଟିଲାଗଡ, ବଲାଙ୍ଗିର
20/01/2020