ଏଇଟା ଘୋଡା It Is Horse Poem by Gajanan Mishra

ଘୋଷାପାଠ
ଗଜାନନ ମିଶ୍ର

ଘୋଷାପାଠରେ
କୁହାଗଲା ଏଇଟା
ଗୋଟେ ପୋକ।
କୁହାଗଲା ପୁଣି
ଏଇଟା ପାଳଗଦା।
କୁହାଗଲା ଏଇଟା
ଘାସ ଗାଲିଚା।
ଯଦି ବାଲିକୁ
କାଚ କୁହା ଯାଇଥାନ୍ତା
କଣ କିଛି ଅସୁବିଧା
ହୋଇଥାନ୍ତା ନୁହେଁ।

ଯଦି ବା ହୋଇଥାନ୍ତା
କଣ କିଛି ଅସୁବିଧା,
ସେ ଅସୁବିଧାଟା କଣ
ବୁଝାଇବାକୁ କିଏ ଥାଆନ୍ତା!
କୁହା ଯାଇଥାନ୍ତା ଯୋଉଟା
ସେଥିରେ ଆମର ସ୍ୱୀକୃତି
ଅଛି କି ନ ଅଛି ବେଳ
ନ ଥିଲା କାହାରି ପାଖରେ,
କି ନ ଥିଲା ଖାତିର ସେଥିପ୍ରତି।
କୁହା ହେଉଥିଲା ବାରମ୍ୱାର
ଏଇଟା ଘୋଡା ଆଉ
ୟେ ଦୌଡେ ତୀବ୍ରଗତିରେ।

ତପୋବନ,ଟିଟିଲାଗଡ, ବଲାଙ୍ଗିର
4/9/2019