Treasure Island

Meer Taqi Meer

(1723 - 1810 / Agra / India)

ankhon mein ji mera hai idhar yar dekhna


ankhon mein ji mera hai idhar yar dekhna
ashiq ka apane akhri didar dekhna

kaisa chaman ke ham se asiron ko mana hai
chak-e-qafas se bag ki diwar dekhna

ankhen churaio na tuk abr-e-bahar se
meri taraf bhi didah-e-khunbar dekhna

ae ham-safar na able ko pahunche chashm-e-tar
laga hai mere paon mein a kar dekhna

hona na char chashm dik uss zulm-paishah se
hoshiyar zinhar khabardar dekhna

sayad dil hai dag-e-judai se rashk-e-bag
tujh ko bhi ho nasib ye gulzar dekhna

gar zamzama yahi hai koi din to hamsafar
is fasl hi mein ham ko giraftar dekhna

bul-bul hamare gul pe na gustakh kar nazar
ho jayega gale ka kahin har dekhna

shayad hamari khak se kuch ho bhi ae nasim
girbal kar ke kucha-e-dildar dekhna

us khush-nigah ke ishq se parhez kijio 'Mir'
jata hai leke ji hi ye azar dekhna

Submitted: Tuesday, April 06, 2010

Do you like this poem?
0 person liked.
1 person did not like.

What do you think this poem is about?



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?

Comments about this poem (ankhon mein ji mera hai idhar yar dekhna by Meer Taqi Meer )

Enter the verification code :

Read all 1 comments »
[Hata Bildir]