Aisa Kabhi Na Karna... Poem by viren panchal

Tum rooth jaao mujhse,
Aisa kabhi na karna.
Main ik Nazar ko tarsoon,
Aisa kabhi na karna.
Main Pooch Pooch haarun,
So so sawaal kar ke.
Tum koi jawaab na do,
Aisa kabhi na karna.
Mujhse hi milke hasna,
Mujhse hi milke rona.
Mujhse bicchad ke jee lo,
Aisa kabhi na karna.
Tum chaand banke rehna,
Main dekhta rahunga.
Kisi roz tum na niklo,
Aisa Kabhi na karna.
Tum chale jaao jab bhi,
To dekhun tumhaara raasta.
Tum loat ke na aao
Aisa Kabhi Na Karna...