(2004 माइथाइनि थाखोमानाय दायेरिनि दोंसे खनथाय) Poem by Bihung Khungur

हाथासि गोसोआ मानोबा खुद्रिफ्लाङो
मिथियैआव मावफ्लांनाय आरो
मिथिसेआवबो मावबोनाय
जाखांनि बै गोरोन्थिफोरखौ;

बुजिगौ, मिथिगौ आंबो
मुलामफा गैया
थांखांनायखौ बेहेनफिन्नायाव
बबेखानि जेथोसो दंसिनो;

अब्लाबो नाथाय बुरखारनो हाया
आब्रा गोसोखौ
जाफुनि फिथायखौ बिजिरना
खिथेर होखारफ्लाङो
बै जाखांनोसो;

बुरखायो आं अबोलानो
आब्रा गोसोखौ थुख्रासे सानस्रिजों-
'जिउनि गोजोन्थिया जाफुजोंनो दं
आरो बेजों गोथारै गोरोबब्लानो
जौगाथिआबो फैगोन।'