सानबोलाउरिनि रेगा-12 Poem by Bidindra Basumatary

जिउ
आंनि जिउ
नोंनि जिउ।
आंनि इयुन
आंनि गोजोन
नोंनि पेस्वन।
आंनि सिमां
नोंनि मोजां
जोंनि अख्रां।
नोंनि राव
आंनो गोथाव
सोदोब मोन्थाव।
नोंनि महर
आंनि नोजोर
इयुन संसार।
नोंनि मेगन
आंनि प्रटेकस्वन
मिजिं गोदान।
नोंनि लाजिस्लुयै मिनिस्लुनाय
आं बोदोर बावलि जानाय
हाबिलायाव दै सारस्रोनाय।
नोंनि गंस्रियै थाबायनाय
आंहा इमस्वन जानाय
अराय मोननो हास्थायनाय।