प्रनितानो गांसे लाइजाम (A Letter To Proneeta) Poem by Bidindra Basumatary

प्रनितानो गांसे लाइजाम (A Letter To Proneeta)

Rating: 5.0

दुखुस्रि बर' हारि गेजेराव
बावलुरि बर' बिमानि गोर्बोआव,
जोनोम मोननाय नोंनि,
हारिखौ सिनायथि होनो
अख्रां मुलुगसे।
नोंनि बै DID आव जायगा आवग्रिनाया,
नोंनि बै राफोद मोसानाया,
सोमो नांहोयो जोंखौ
आरो देरगानो हानाय गोहो लाबोयो।
नोंनि सायाव जों रंजाबाय
आरो सानबाय
नों हारिखौ मिथिसार होबाय;
बर' माहारिआबो सिगां बोबाय।
नोंनि रोंगौथिखौ नुना-
बर' फिसाया बारज्लखांबाय,
मेगनाव खुसिनि मोदै जिरिहोबाय।
नाथाइ नोंनि बेबादि हाबायाव
आं मा होनो हाबावनो!
जेबो गैया फेरलेबसे
नोंनि थाखाय गथाइनो।
अब्लाबो गोर्बोनिफ्राय-
साबायखर अननाय खुलुमनाय गासै
गथाइहरबाय नोंनिसिम,
बे खन्थाइनि गेजेरजोंनो
गांसे जारिमिनारि लाइजाम महरै।
नाजावदो बेखौनो खुसियै
नों मोसाखावरिया।

Sunday, August 30, 2015
Topic(s) of this poem: letter
COMMENTS OF THE POEM
Manoj 15 February 2019

Add a comment.

0 0 Reply
Ronjoy Brahma 30 August 2015

Proneeta is a trained dancer in Kathak and dreams of becoming a famous Choregrapher some day. She workes as a freelancer in the kingdom of dreams and idolizes Madhuri Dixit. She wants to be a part of Dance India Dance as she feels the show can pave her path towards fame. Name of Proneeta Swargiary team- Punit Ke Panthers. (Dance India Dance- Season 5)

2 0 Reply
READ THIS POEM IN OTHER LANGUAGES
Bidindra Basumatary

Bidindra Basumatary

Bhatopara [13/04/1997] Panbari, Bijni
Close
Error Success