ମଲି କୋଉଠି! Poem by Gajanan Mishra

ମଲି କୋଉଠି!
ନା, ମଲି ନାହିଁ।
ମରିବାକୁ ଏଠିକୁ
ଆସି ନ ଥିଲି।

ଆସି ନ ଥିଲି
ଗୋଳି ପାଣିରେ
ଧରିବାକୁ ମାଛ।
ଆସି ନ ଥିଲି
କହିବାକୁ, ଯଦି
ତୁମର ପସନ୍ଦ
ମତେ ବାଛ।

ଧୋଇଲି ପାଦ
ବଦଳିଗଲା ଦେହ।
ସକାଳକୁ କହିଲି
ଆ ରେ ଆ
କଟା ମୋର ମୋହ।

ହେଲା କି ଜଗି
ଶ୍ୱାସପ୍ରଶ୍ୱାସ?
କହିଲା କିଏ
ନାଇଁରେ ନାଇଁ
ନା ଏଠି ଆରମ୍ଭ
ନା ଏଠି ଶେଷ।

ଡାହାଣୀର ହାବୁଡରେ
ପଡିବାର ଥିଲା କି କାହାର?
ବଢିନଈର ଭଉଁରୀରେ
ଥିଲା କି ପଡିବାର?

କୋଉଠି ଥିଲା ଅନ୍ଧାର
ଗଲା ଖସି ଚୁପ୍ ଚାପ୍।
ହେଲାରେ ହେଲା,
ଡରିଲା ନିଆଁ ତାତିକୁ।
ହେଲାରେ ହେଲା
କହିଲା ସିଂହକୁ
ଉଠ୍ ଉଠ୍।

ଉଠିଥିଲା ଯୋଉଠୁ
ବସିଲା ସେଇଠି।
ଆଉ ମୁଁ ତ
ଥିଲି ଇ
ତାଟିକବାଟଦେଇ।
ମଲାଗଲା କଥା
ଆସିଲା କୋଉଠି!

ସ୍ୱତ୍ୱ ସଂରକ୍ଷିତ-
ଗଜାନନ ମିଶ୍ର
ତପୋବନ, ଟିଟିଲାଗଡ, ବଲାଙ୍ଗିର
22/2/2019