توڑ لے تارا کوئی Poem by Akhtar Jawad

جانے آتا ہے کہاں سے وہ کدھر جاتا ہے
میں نے دیکھا ہے اسے ہاں وہ نظر آتا ہے
رنگ رقصان ہیں تو خوشبو ہے غزل خواں اسکی
روشنی چاند ستاروں میں وہ بھر جاتا ہے
سانولا سا ہے کئی نام اسے ھم نے دیئے
نت نئے روپ میں ہر رات سنور جاتا ہے
رات کی باتوں پہ شرمایا دھندلکا لے کر
وہ تو جوبن ہے جو ہر صبح ابھر آتا ہے
اسکے پیغام محبت سے توانا پتے
پھول تو پھول ہیں کاںٹوں پہ اتر آتا ہے
کیا لیے ساتھ ابھرتا ہے حسینوں کی طرح
نازنیں بن كے سمندر میں اتر جاتا ہے
ہنس كے بولا کہ میں کچھ بھی نہیں آئینہ ہوں
آسماں راتوں میں ایک عکس سے بھر جاتا ہے
مجھکو معلوم نہیں کس کا میں آئینہ ہوں
کوئی ہے تو سہی شیشوں میں نظر عطا ہے
مجھکو مت دیکھ میرے عکس کو مہتاب میں دیکھ
چوم لے آنكھوں سے وہ دیکھ قمر آتا ہے
کائنات عکس ہے لیکن تیرے سینے میں جو دِل ہے
اسکی وُسعت میں وہ محبوب ٹھہر جاتا ہے
رات چھوٹی سی ہے چن لے کوئی تارا تو بھی
آسماں تیرے لئے تاروں سے بھر جاتا ہے
وہ جو زندہ ہے محبت میں وہی جیتا ہے
کتنی خاموشی سے چُپ چاپ وہ مر جاتا ہے
صدیاں لگتی ہیں سمٹنے میں دوبارہ اسکو
وہ سمٹتا ہے بکھرنے کو بکھر جاتا ہے.

(Tor Le Tara Koi
jane aata hai kahaN se woh kidhar jata hai
main ne dekha hai usay haan woh nazar aata hai
rang raqsaN haiN to khusbhoo hai ghazal khwaN uski
roshni chaand sitaron mein woh bhar jata hai
sanwla sa hai kayi naam usay hum ne diye
nit naye roop mein har raat sanwar jata hai
raat ki baton pay sharmaya dhundalka le kar
woh to joban hai jo har subah ubhar aata hai
uskay paighame mohabbat se tawana pattay
phool to phool hain kantoN pay utar aata hai
keya liye sath ubharta hai haseenoN ki tarah
naaznen ban ke samundar mein utar jata hai
hans ke bola ke main kuch bhi nahiN aaina hooN
aasmaa ratoN mein aik aks se bhar jata hai
mujhko maaloom nahiN kis ka maiN aaina hooN
koi hai to sahi sheeshoN meiN nazar aata hai
mujhko mat dekh mere aks ko mahtaab meiN dekh
choom le aankhoN se woh dekh Qamar aata hai
kaayenat aks hai lekin teray seenay mein jo dil hai
uski wusat mein woh mehboob theher jata hai
raat choti si hai chun le koi tara tu bhi
aasmaN teray liye taron se bhar jata hai
woh jo zindah hai mohabbat meiN wohi jeeta hai
kitni khamoshi se chup chaap woh mar jata hai
sadiyaN lagti hain simetnay mein dobarah usko
woh simatTa hai bikhrne ko bikhar jata hai.)