आइ Poem by Ringkhang Basumatary

आया फैदोंमोन सिमांआव
दुखुनि हांमा बोना
बायफ्लेनाय गोर्बोयै
आब'थिरा सोलेर लाना ।

सोंथिया बेरखांदों फारि फारि
नाथाइ!
नंमारगौदा बियो थारै
महरा बिनि,
बुजिना मोनाखिसै गोसोआ
रानज्रिं लांमारखो मानो बिलाइआ
बारहुंखानि गोब्राब फाख'नाव
बुखारजामारखो मानो मिजिंआ ।

मिलौहाब देंखोनि सुफिनआव
बेरखांओ जेब्ला रिंसथिया
बोदोरनि हाबिलासआव
गोमसारो अबोला मिमांनि खन्थाइआ,
माहारि बिदन्थानि सोरजिथाइआव
सानबोलावरिनि गिबि बिथाइआव
आबिरनि जारां गाबा सोलायोबोला
गोमोरलांगोन सैथोथिनि आबुं सान्थौआ |