ଦୁଷ୍ଟା ନାରୀ Wicked Women Poem by Gajanan Mishra

ଭକ୍ତକବି ଜଗନ୍ନାଥ ଦାସ ଶ୍ରୀମତ୍ ଭାଗବତ ନବମ ସ୍କନ୍ଧ ଚତୁର୍ଦ୍ଦଶ ଅଧ୍ୟାୟରେ
କହନ୍ତି ଉର୍ବଶୀ ମାଧ୍ୟମରେ -

ଭୋ ରାଜା ଶୁଣ ମୋ ଉତ୍ତର
ସଂସାରେ ସ୍ତିରୀଙ୍କ ବିଚାର।

ସ୍ୱଭାବେ ଯେବା ଦୁଷ୍ଟା ନାରୀ
ତା ସଙ୍ଗେ ବିଶ୍ୱାସ ନ କରି।

ବ୍ୟାଘ୍ର ଭଲ୍ଲୁକ ସଙ୍ଗେ ନର
କେମନ୍ତେ ବିଶ୍ୱାସ ବେଭାର।

ସ୍ତିରୀଙ୍କ ଦେହେ ଯେତେ ଗୁଣ
ରାଜନ ସାବଧାନେ ଶୁଣ।

ନିର୍ଦ୍ଦୟା ହୃଦୟ କଠିନ
ସାହସ ଆଦି ଚାରି ଗୁଣ।

ଅଳପ କ୍ରୋଧେ ପ୍ରାଣ ଦ୍ୟନ୍ତି
ପତି ପିତାଙ୍କୁ ନ ଗଣନ୍ତି।

ଅଜ୍ଞାନ ଭାବେ ଥାନ୍ତି ନିତ୍ୟେ
ବଂଚନ୍ତି କାମ ଭାବ ଚିତ୍ତେ।

ସ୍ୱଭାବେ ନିତ୍ୟ କଳ୍ପକାମୀ
ଇଚ୍ଛନ୍ତି ନବ ନବ ସ୍ୱାମୀ।

ସ୍ତିରୀଙ୍କ ସ୍ୱଭାବ ଏମନ୍ତ
କିଂପା ତୁ କରୁ ଦୁଷ୍ଟ ଚିତ୍ତ।