When You Said Tomorrow Did You Mean Never?A Hindi/Urdu Poem Poem by Ravi Kopra

"When you said tomorrow did you mean never? "
-John Keene

kya jaldi paDi hai
kal kar lain gay
main aksar ye sunta hoon
jab bharat varsh jaata hoon

kal bhi usne yahi kaha tha
jo aaj vo keh raha hai
aur kal bhi vo vohi kahega
jo usne kal kaha tha

vo jhooth nahin bolta
dil ka sacha hai
kami sirf ek hi hai
wo kaam ka nikhata hai

ye bharat varsh hai
sab sach hai, araam bahut hai
baat hi baat hai, khushi hai
lekin kaam ka naam kal hai